Ostiral arratsaldean, Marea Elkarteko kideak izan genituen bisitan ikastolan.
Aurten, azoka solidarioan lortzen den dirua Marea Urdina elkartearentzat izango dela erabaki dute LH6ko ikasleek. Horregatik, elakrtearen berri izateko bertara etorri ziren ostiral arratsaldean. Informazio asko jaso zuten eta argazkiak egiteko aukera ere izan zuten.
Martxoaren amaieran ospatuko den azoka solidarioan parte hartzeko gutunak bidaliko dira eta denon elkartasuna biltzea espero dugu.
Urtarrilaren 9an, 12:00etan eta 16:00etan GOAZEN ikuskizuna izango da Leidor antzokian.
Hezkuntzatik euskara biziberritzeko eta murgiltze eredua indartzeko egin beharreko aurrera urratsak, zein dira? Euskal Herriko eta nazioarteko aditu eta arituen eskutik, egungo egoera aztertu eta, erronka berrien aurrean, hezkuntzatik garatu beharreko estrategiak partekatuko ditugu.
Asteartean, Tolosaldeako Mankomunitateak eskaintzen duen EKIN PROIEKTUAN parte hartu zuten LH6ko ikasleak. Zaborraren inguruko hausnarketa egiteaz gain, murriztu, berrerabili eta berziklatu hitzen esanahia eta garrantzia gogoratu zituzten. Saio atsegina eta interesgarria izan zen.