LH5 eta LH6ko ikasleek, Anoetako Herri Ikastolako maila berdinetako ikasleen ipuin musikatuak ikusteko aukera izan zuten atzo arratsaldean.
Anoetako bi maila hauetako ikasleek, euskara oinarri hartuta, ipuin musikatu ezberdinak sortu zituzten. Ipuinak sortu, irudi bidez azaldu eta musika eta soinuak txertatu dizkiete istorioei. Lan handia egin dute eta Irurako ikastolako lagunak gonbidatu zituzten. Horregatik, atzo arratsaldean ipuinen munduaz gozatzeko bertara joan ginen eta ikastola ezagutzeko aukera ere izan genuen.
