Helburu pedagogikoa

Askatasunez eta konfiantzaz norbanakoaren erronkak eta mugak gainditzen saiatzen dena, erabakiak eta ardurak hartuz, pertsona bezala hazteko eta segurtasunez jokatzeko.

Printzipio etikoekin bat datozen jokabideak dituena, ingurua eta pertsonekiko harremanak zainduz, elkarbizitza tolerantea izateko.

Euskara eta euskal kultura oinarri hartuta, beste hizkuntzetara zabaltzen dena, egoerak eskatzen dituen hizkuntzak eraginkorki erabiliz, kultur ekintzetan parte hartuz eta interesa azalduz, euskaraz bizitzeko eta elkar komunikatzeko.

Irurar eta gizarteko parte dena, herria ezagutuz eta ekintzetan parte hartuz, aniztasuna errespetatuz, sustraiak finkatuta mundura zabaltzeko.

Modu anitzetan komunikatzen dena, ahoz, idatziz, digitalki, gorputz adierazpen edo artearen bidez adieraziz, besteekin partekatu eta elkar eragiteko.

Kritikoki jarduten dena, dagoena zalantzan jarriz, hausnartuz eta proposamen berriak aurrera eramanez, erabakien aurrean erantzukizunez jokatzeko.

Naturarekiko errespetuzko jokabidea duena, ezagutuz, zainduz eta maitatuz, biziraupena bermatzeko.

Osasun ohiturak zaintzen dituena, bizi-ohitura osasungarriak planifikatuz eta praktikatuz, oreka fisiko eta mentala izateko.

Norberaren nahi edo beharretatik abiatuta adierazten dena, arakatuz, esperimentatuz eta sentituz, errealitatearen ikuskera ezberdinei ekarpen propioa egiteko.

Helburu bera duten kideen artean lankidetzan aritzen dena, elkar lagunduz eta errespetatuz, elkarrekin ezagutza berriak eraikitzeko.

Norbere nortasun eta identitatearekin gustura sentitzen dena, norbera ezagutuz, zailtasunak eta gaitasunak identifikatuz, bizitza proiektua eraikitzeko eta pozik bizitzeko.